قصيدة عيد العمال

                                       المناسبة : عيد العمال السنة :1984

يـا عمـال ابلادنـا بيكـم زخنـا	*	يا فخــر البلاد شيـاب و شـبـان
بكـم نصعـد للعلا هي  دولتنــا	*	و الجـزائـر ضاويـه بانت تزيـان
تضوي نجمه فسمـا ديمـه عنــا	*	و هـذا نورك  يا ادزاير ظاهر بـان
يا عروس إفـريقيـا بيك افخرنـا	*	خيرك ضـافي امـوزعاتو علبلـدان
فالداخـل متوضحـه سيـاستنــا	*	و الصرامه والعمـل همـا الميـزان
و التنميـه الشامـلـه  لمنـاطقنـا	*	شمال وجنـوب كلهــم إخـــوان
شرق اوغرب ابلادنـا ديمـه جنـا	*	و الخيرات  اموزعه نعـمه واكـوان
و الدخان امـن المصانع ثروتنــا	*	ما زخناش وكل شئ باين  بـرهـان
و المزارع بلـخضـر زينت  بنـا	*	و فواكه  منتوجهــا طيـب يبنـان
بأسـواق الفـلاح ربي راحمـنـا	*	بالسـوم المعـقول  لحمـو والكتـان
كنا بكري كـل شئ  مخـفي عنـا	*	و القنيـه مسلطيـن  اعـلى لثمـان
يشروها بالرخس و يزيدوا  فيـنـا	*	إبيعوعهـا ويزاودوهـا  بالأيمــان
التاجر يحلف قـاذ السلعـة  زينـا	*	فيها خاسر راس  مالـو راح اتهـان
ضركـه دار الحـال ربي  ساعدنا	*	وحكـومتنـا وفـرت لكـل ولمـان
ذا مـن فـضل الله ربي خـالقنـا	*	وبالشكـر النعمه ادوم اعـلى الإنسان
الحـمـد لله ربـي  رازقــنــا	*	نشكـر فضلـو بصلاة امـع  الأذان
باعـمـال ابـلادنـا  شـرفتونـا	*	بالمجهود اللـي ابذلتـو فـلميــدان
الطبـه فلمـرضـى ايداوا نفعونـا	*	وفلاحيـن اينتجـوا من كل ألــوان
المعلم فـلمـدرسـه  مـا يبخلنـا	*	مخلص في عملو ايقـري فصبيــان
درك و شرطـه ساهريـن الراحتنا	*	الجيش الشعبي حارس احدود البلـدان
و المهندس كـي ايخطط يحميـنـا	*	من بني الفوضى اشوارعنـا  تزيـان
مـا ننسى كتـاب في مصـالحنـا	*	للشعـب ايدوا الخدمـه فـي أمـان
و انزيـد البـنـاي هـو عمدتنـا	*	لولا هـو  لا  مدرسـه لا بنيـا كان
و النجار اللـي  ابلوحـو  يحمينـا	*	سعه من  رد  الشتـا سعـه  حمـان
و الحـداد اللـي  ابصنعـو سلحنا	*	يضـع سيف انحـاربو بيه  العديـان
و حتى الشـركـات  فيها خاوتنـا	*	سهرنيـن ايعينهـم ربـي  رحمـان
ابفضل الله و العمـال اطـورنـا	*	و الجزائـر كي الورده وسط اجنـان
يا ربي تحمـي ادزايـر  دولتنــا	*	واجعلها ديمــه اقويـه يـا حنـان
واحفظ و استـر كل  جملة دولتنـا	*	و حـرر يـا ربـي القدس امع لبنان
الشاعر معروف من  عمـال اهنـا	*	معلـم فـي مهنـتو شــاعر فنـان
عيساوي في نسبتو يا سـامعنــا	*	يسكن  مسعد فيه من بكـري سكـان
من لوطايه  رفقتـو ذي  نسبتنــا	*	ناسو مشهورين بالصــدق اولمـان
سال الناس إذا تحوس تعـرفنــا	*	خبر اوطايه شايعه في كـل  امكـان
ما بيـاش الزوخ نـذكر ما قلنــا	*	واعبد الله كلـهــم جملـه إخـوان
لكن قلت انعـرف النـاس اعلينـا	*	و الشاعـر فـي نسبتو دايـم  بيـّان