قصيدة نـــابني

                                        نـــابني 1994

نـابني يـا ذا البحر لاش امهـــول	*	هــذا طبعك دايما ولّـي غضـبان
رانـي نـرى  فيـك وجهك متبـدل	*	موجك قاوي والــزبد دايـر كفان
صـوت امـواجك راه ذهبلي لعـقل	*	هـايج نعـت الثلب فى قاسي لوطان
رد اجــوابو قـالي لاش اتســوّل	*	بـاين مـا كش من هنا عاقل تمهان
بـاين ســايح جيـت لينا تتجـول	*	ويـن ابـلادك ويـن قاشيك  وسكان
سامحنـي يـاضيف رانـي متهـول	*	موجي قــاوي والزبد دايـر ودان
قتـلو نـا يه جيـت من مسعد لجدل	*	والجـلفه و‎لايتــي عـز العـربان
سيـدي نائـل نسبتي جـدّي وصـل	*	قـاشيـه منـو الـرحـال وسكـان
والمـهنـه معـلم الطفـله وطفــل	*	فـلمدرسـه نحـفظ كتـاب القـرآن
أهــدى مـوجو يالخـاوه واسعدل	*	نعت العبد  الّي نعل وخزى الشيطان
واخـفظ صوتو من هديرو  بطل زل	*	رجع عقلي هـاجت دموعي ومحان
قايـضني مـا راه صـاير يا راجل	*	كفاش الخـاوه أيـولّـولك عــديان
عصـابـات البعضـها نـاضت تقتل	*	واتشـوه في دينـها شـارح لديان
وانتـما تتـفرجـوا مـرآه ورجــل	*	و لا من فيـكم قـال هذا الشى بهتان
قـتل المـومن صـاحبو لازم يدخل	*	جهنم كـانهـو متــعمد بـــان
ذي فللآيه واضـحه لا ما يعـــمل	*	ويا ويــح اللي خالف أقوال المنان
بكـاني يـا خـاوتي  والجـلد أرحل	*	وارجـع  حالوا كـيما فـي لول بان
واقـوى مـوجود فسما ظنيـت سخل	*	عاد يـزبد  والـزبـد دايـر كفان
هــذي هـي قصتـي يا مـن تسأل	*	امـع البـحر وزرالده شعري ووزان
اتـلاقينا فــــلقصـر بـاش انمثل	*	ولايتنا  نـرفعوها يعلـى الشــان
بالشعـر الملـحون واقصـايد واطبل	*	ورجـالا ليبـاسـها تـقليـدي زان
والـرّقـصات النـايلي طفله واطفل	*	سعـداوي  وعبيـدلي تـراث زمان
وبـرانس وبـري أبيض ومعاه اشعل	*	وقـنا ديـرا مخيـطه عنـد الميشان
امـخيطـها مسعـدي فـحل امـدلل	*	باليبـرا والخيط لصلـي والقيـطان
واسبـابط مقـرون شـرك امعاه نعل	*	ذا لباس اجـدودنا مـن بـكري كان
وامـلاحف وارواب  وامعـاها امنادل	*	واخماره وشـدود لبــستها نسوان
والسيـقه هـي امقـاوس واخـلاخل	*	وامداور فضـه وناصيـات اتبــان
واسيـوفه ضـد العدو  هي وامكاحل	*	كسبـوها رجـالنا ضـد العـديـان
واذا جـانا ضيـف ربـي ما نبـخل	*	اذبحنا لوعـز امّـات الخــرفـان
وامعـيشتنا قــا من لحـمو لجـدل	*	يصـادوه اولاد صيـــادو كـمان
مانه صافي فلحـواسي نعــت اعسل	*	مــن عند الله  موش منتن في بسان
واجـماعتنا  فـلمشـاكل قـاع اتحـل	*	ما يبقـي في وسطنا واحـد زعـفان
مكسبنا للخيـل  وكحيلـه نــرحـل		صرعـوفه وخيـامنا حمرات ألوان
رحـلتـنا مهـيش سيــاره عـلبـل	*	وكحيله عـز العـرب نجـع و قمان
رحـلتنا مـن تقـرت حتـى للتــل	*	صيف وشتـوه نـرحلو في كل مكان
طلبـتنا يقــراو للعـلم اتجـلجــل	*	آيت ربـي يحفظـوهـالك صبـيان
ومـا يحـقرش اللـي ايجـينا متجول	*	ايـولي منه نصبحـولو نعت اخوان
ازوي فيـنا كـي اتعـددها اتحـصـل	*	اتقري لــولاد لــوجه الرحـمان
والفقيـر إذا قصــدنا يسـرجـــل	*	بإذن الله يكون عـايش فـي لمـان
انحظوا عـلجار عنـو مـا نقفـــل	*	مـن وقت ابيـاتنا حتـى لـــلآن
هــذا طبـع أولاد نـايل يـاعـاقل	*	ذريه رسـول الله طـه الحـــنان
مـا نـرضـى بـالدونيه ما نقبل ذل	*	علـحشمه متـربييـن وعـلأمـان
اللـي مـا يـعرفنا عليـنا راح سـأل	*	ول أرواح اتشوف لاحـظها بعـيان
تلـقى اللـي قـلنا محــال اتبــدل	*	مـن بكري للـيوم  مـا فيـنا خيان
هـم ابــلادي خاطري منو طوحـل	*	ما نرقدش اللـيل هـا ظولي لشجان
ايجـازي ربـي الـلي فتـن شعــل	*	نار الفتـنه بيـن لخـوه والجـيران
طفـي يـاربي  الفتـنه يتــعـدل	*	حال ابـلادي ما اتـشفيش  الرومان
ابجـاه الــرسول  واهلـو قاع اكل	*	واجميع المقبول مـن نسلـو عدنان